Día 62: Adhesión de artistas e intelectuais, e de blogueiros galegos

22 de Setembro do 2007 publicado por ocruceirodemea

Manifesto dos artistas e intelectuais contra da planta de gas na ría de Ferrol

Os que abaixo asinan, manifestan o seu total desacordo coa ubicación da planta de gas natural licuado dentro da pequena e angosta Ría de Ferrol. Unha planta de gas que Reganosa está construíndo –sen ter acreditado que cumpre coa lexislación vixente– nas proximidades de núcleos de poboación que suman máis de 100.000 habitantes, cuxa vida quedaría ameazada en caso de entrar en funcionamento. Igualmente, a súa presenza suporía un risco permanente, xunto ó engadido polo complexo petroquímico chamado “Forestal del Atlántico S.A.” e a entrada de buques gaseiros cargados de GNL, cuxa ruta de navegación pasaría a escasa distancia da poboación e do arsenal naval militar.

Igualmente, no caso de entrar en funcionamento, Reganosa ameazaría a riqueza natural da Ría, que é o medio de vida de preto dun milleiro de mariscadores. Así mesmo, seria un grave obstáculo para a declaración de Patrimonio da Humanidade, proposta para os castelos e arsenais, ademas de provocar perdas no patrimonio histórico e na potencialidade turística.

Os abaixo asinantes denunciamos que é imposible que Reganosa poida cumprimentar os condicionados impostos na autorización da súa construción, en canto a distancias de seguridade respecto das poboacións próximas e para unha saída de urxencia dos buques gaseiros, co cal non estarían salvagardadas nin as persoas nin os seus bens.

Por todo isto, manifestamos:

  1. O nosa petición de que sexan retiradas tódalas denuncias que afectan ós traballadores do mar, na Ría de Ferrol, implicados neste proceso da súa defensa e en contra da ubicación da planta de gas de Reganosa.
  2. O noso total desacordo coa ubicación da planta de gas natural licuado no interior da Ría de Ferrol. Asimesmo, solicitamos ó goberno da Xunta de Galicia que recupere o Porto Exterior como espacio axeitado para a instalación da Planta de gas, prevista nese lugar dende o ano 1994.
  3. O noso apoio á manifestación que terá lugar en Ferrol o próximo día 30 de setembro, en protesta pola existencia dunha planta de gas nun lugar totalmente inadecuado e a nosa solicitude ás autoridades competentes de que non aproben a acta de explotación comercial ou de funcionamento definitivo de Reganosa, do mesmo modo que pedimos a reconversión do complexo petroquímico de Punta Promontoiro, por ameazar a vida da poboación e a riqueza marisqueira da Ría.

Blogueiros galegos
Manifesto de solidariedade dos blogueiros galegos coa Plataforma de Veciños O Cruceiro de Meá

Quen asinamos máis abaixo solidarizámonos coa Plataforma de Veciños do Cruceiro de Meá (Mugardos), pechados na Casa do Concello de Mugardos desde o mes de xullo, porque cremos que calquera veciño, calquera cidadán ou habitante, deste país ou de calquera outro, ten o dereito a que non lle estraguen a súa paisaxe e seu o contorno, e a non vivir a súa vida baixo a ameaza silenciosa dun perigo terríbel.

Quen asinamos este manifesto acreditamos que a xustiza e as leis que nos damos teñen que servir para defender os principios de igualdade e de liberdade, e non para protexer os intereses dos máis poderosos e xustificar as decisións que estes toman á marxe de toda legalidade e amparándose nos recantos máis escuros da sociedade e da humanidade.

Quen asinamos estas liñas acreditamos nun modelo de desenvolvemento sustentábel e autocentrado, que non repita os erros que se cometeron no pasado ao localizar empresas en sitios inaxeitados, e ao promover industrias de enclave que dun ou doutro xeito acaban por explotar e esgotar os recursos naturais que tamén son patrimonio de alguén, nosos ou doutros pobos.

Quen asinamos aquí sabemos que a existencia de REGANOSA en Punta Promontoiro trouxo tamén consigo a miseria e a baixeza morais de quen quixo ou precisou poñerse do lado dos poderosos, así como a tristura de ver enfrontados a veciños con veciños e a familias con familias, e que non hai forma máis implacábel de acabar cunha comunidade que destrozala dividíndoa desta maneira.

Quen asinamos temos a esperanza de que se traslade esta instalación fóra da Ría de Ferrol, na súa localización primixénea e ideal do Porto Exterior, e estamos convencidos de que aconteza o que aconteza coa nosa causa, moitas outras persoas están atendendo e entendendo, compartindo, ensinando e aprendendo desta loita que ante todo é xusta e fraternal.

Arquivado en Adhesións, Peche no Concello | Comentarios desactivados en Día 62: Adhesión de artistas e intelectuais, e de blogueiros galegos

Segundo mes de peche

20 de Setembro do 2007 publicado por ocruceirodemea

Segundo mes de peche

O vindeiro 23 de setembro cúmprese o segundo mes consecutivo de peche no concello mugardés por parte dos veciños contrarios á posta en funcionamento da planta de Gas Natural Licuado de REGANOSA, multitude de persoeiros ben coñecidos por todos, mostraron a súa intención de poder colaborar na loita que os veciños están levando a cabo. Entre outros poderemos destacar a actuación o sábado día 22 de setembro de María Manuela acompañada por Xurxo, quen actuarán a partir das 20:00 horas no casa do concello de Mugardos.

O 23 de setembro, a charanga AGRESCA paseará polas rúas da vila desde as 18:30. A continuación, sobre as 19:00 horas, Liño Braxe e Mabel Rivera entre outros, darán lugar a unha lectura dramatizada da obra ACURRADOS de XENARO MARINHAS DEL VALLE.

Ás 20:00 terá lugar a proxección do documental das ENCROVAS A CEO ABERTO, unha loita entre veciños das ENCROVAS e Unión Fenosa. Este documental estará asistido por xente do lugar ademais do seu director XOSÉ BOCIXA.

Arquivado en Adhesións, Peche no Concello | Comentarios desactivados en Segundo mes de peche

Día 59: Sinalización da zona de risco

19 de Setembro do 2007 publicado por ocruceirodemea

Reganosa, zona perigosa

Trala publicación do Arquivado en Denuncia, Peche no Concello | Comentarios desactivados en Día 59: Sinalización da zona de risco

Día 55: Viaxe a Ribadavia

16 de Setembro do 2007 publicado por ocruceirodemea

Veciños de Mugardos participando na marcha cidadá en Ribadavia

Nin o calor, nin a distancia, nin as “ausencias” permitiron rebaixar o ánimo dos 5000 manifestantes que onte se reuniron na manifestación de Ribadavia contra o Parque mediambiental dá Carballeda.

Ás 18:30 horas partía a manifestación onde diferentes colectivos, Foro social TEMOS DEREITO A SABER, de Ribadavia (convocantes do evento social), SOS Courel de Lugo, Pola Defensa da Ría de Pontevedra, Comité Cidadán de Emerxencia dá ría de Ferrol e Plataforma de Veciños O Cruceiro de Meá estes últimos pechados dende fai hoxe 55 días no concello de Mugardos e opositores á localización no interior da ría Ferrolá da planta de gas de REGANOSA, lograron elevar o ánimo de unidade popular e de repulsa ás distintas aberracións que o capitalismo desatinado intenta impor nas distintas localidades da Galiza.

Unha vez na praza do concello o presidente do foro social TEMOS DEREITO A SABER, Clodomiro Montero, agradeceu entre outras cousas, a asistencia masiva da poboación así como da dos distintos colectivos que acudiron a devandita manifestación. Acto seguido presentou a unha madriña de luxo, Mabel Rivera, quen, exultante, recordou aos presentes que se sentía manipulada polos señores que están no Goberno a quen se lles enche a boca de sustentabilidade e non saben de que están falando.

Neste ambiente de unidade popular, todas as organizacións alí representadas comprometéronse en acudir á manifestación convocada polo COMITE CIDADÁN DE EMERXENCIA de Ferrol, que o domingo día 30 de setembro, ás 12 do mediodía  partirá dende o Peirao da cidade departamental baixo o lema:

“PLANTA DE GAS FORA DA RÍA”

Arquivado en Movimento cívico | Comentarios desactivados en Día 55: Viaxe a Ribadavia

Viaxe a Ribadavia en solidariedade co foro social «Temos dereito a saber»

13 de Setembro do 2007 publicado por ocruceirodemea

Un numeroso grupo de veciños pechados no Concello de Mugardos dende o día 23 de xullo acudiremos o vindeiro sábado día 15 de setembro ás 18:00 horas a Ribadavia. O motivo desta viaxe é amosar a nosa adhesión aos veciños do foro social «Temos dereito a saber» de Rivadabia, quen nos convidaron, coñecedores da nosa problemática, nos seguintes termos:

“O foro social «Temos dereito a saber» prégalle a súa asistencia á manifestación que se celebrará o vindeiro día 15 de setembro ás 18:30 horas en Ribadavia.

O motivo da mesma é o noso rexeitamento á ubicación en Carballeda de Avia da maior planta de lixo de Galicia.

A manifestación sairá ás 18:30 do instituto, percorrendo as rúas da vila ata chegar á praza maior, onde se lerá un manifesto.

Para máis información entrade na nosa páxina web www.espacioblog.com/avia.”

Nin que dicir ten que a unión de asociacións, como de foros e tódolos colectivos, así como persoas independentes que poidan adherirse á devandita manifestación, fará que os nosos amigos de Ribadavia teñan un maior apoio e unha demostración de unidade popular, imprescindible para que a súa loita sexa máis efectiva.

Desde a nosa plataforma de veciños O Cruceiro de Meá, invitamos en nome de deles a todos e a todas a acudir a Ribadavia o sábado 15 de setembro ás 18:30.

Agradecervos de antemán a vosa participación.

O POBO UNIDO XAMAIS SERÁ VENCIDO.

Arquivado en Movimento cívico | Comentarios desactivados en Viaxe a Ribadavia en solidariedade co foro social «Temos dereito a saber»

Día 52: Adhesión da Confraría de Pescadores «Santiago Apóstolo» de Barallobre (Fene)

12 de Setembro do 2007 publicado por ocruceirodemea

“Segundo acordo adoptado na reunión da Xunta Xeral de esta Confraría celebrada o pasado 30 de Agosto de 2.007, acordouse entre outras cuestións, manifestar o apoio da Confraría de Barallobre á Asociación de Veciños de Meá (Mugardos) en relación coas actuacións que veñen levando a cabo contra a Planta de Gas situada en Punta Promontoiro.”

Arquivado en Adhesións, Peche no Concello | Comentarios desactivados en Día 52: Adhesión da Confraría de Pescadores «Santiago Apóstolo» de Barallobre (Fene)

Día 49: Adhesión do grupo «Os Cempés»

10 de Setembro do 2007 publicado por ocruceirodemea

Os Cempés

Dúas horas dunha brillante actuación por parte do grupo folk Os Cempés, fixeron vibrar ás máis de 200 persoas que se deron cita na praza do concello de Mugardos.

OS CEMPES, que en todo momento fixeron gala dunha grande calidade profesional, amosaron tamén a súa complicidade cos veciños pechados no concello fai xa 7 semanas, en contra da localización da planta de gas de REGANOSA dentro da ría ferrolá.

Así pois, a un grán número de actuacións de todo tipo, tanto grupos musicais, como de teatro, como poetas e un longo etc de profesionais, súmase este lexendario grupo galego que foi un sopro de aire fresco para todas aquelas persoas que acudiron a velos en directo.

Arquivado en Adhesións, Peche no Concello | Comentarios desactivados en Día 49: Adhesión do grupo «Os Cempés»

Día 46: Recurso de súplica perante o Tribunal Superior de Justicia de Madrid

6 de Setembro do 2007 publicado por ocruceirodemea

O 6 de setembro presentouse o recurso de súplica contra a desestimación das medidas cautelares de suspensión da actividade da planta presentado hoxe ante o Tribunal Superior de Justicia de Madrid por parte das asociacións veciñais agrupadas no Comité Cidadán de Emerxencia.

Neste recurso as asociacións veciñais volven a pedir ao Tribunal que suspenda a entrada de buques na ría, xa que dito tráfico supón un perigo claro e directo para a poboación e a vida na ría, sendo estes –a protección da poboación e dos recursos naturais– os intereses xerais que deben ser protexidos de xeito cautelar e prioritario, e non os puramente patrimoniais de Reganosa.

No mesmo senso, as asociacións explican no seu escrito por que a adopción dunha medida como a solicitada tampouco suporá prexuízo algún para o sistema gasista galego ou español, en tanto que este atópase, precisamente por razón da actividade en Reganosa e da súa mala planificación, con problemas para canalizar todo o gas que a planta de Mugardos está inxectando, durante a fase de probas, nunha rede que hoxe por hoxe está saturada.

Como fundamento das súas alegacións as asociacións facilitaron ao TSJ de Madrid o informe da Arquivado en Denuncia, Peche no Concello | Comentarios desactivados en Día 46: Recurso de súplica perante o Tribunal Superior de Justicia de Madrid

Día 45: Adhesión do Comité de Empresa da FEVE – A Coruña e USTG

5 de Setembro do 2007 publicado por ocruceirodemea

Comité de Empresa da FEVE – A Coruña

“El Comité de Empresa de FEVE, de la provincia de A Coruña, en el pleno del pasado 31 de Agosto hemos acordado por unanimidad el solidarizarnos con los vecinos de Mugardos encerrados en el Concello y comunicarles que tienen nuestro apoyo para solicitar el traslado de la planta de gas de Reganosa fuera de la ria.”

USTG

“Unha delegación encabezada polo Secretario Xeral da USTG, José María Freire, o Secretario Comarcal do Sindicato Gregorio Freire, o Responsable do Departamento da Mocidade Andrés Rodríguez e un representante da Sección Sindical de Navantia Carlos Díaz, visitaron na tarde de onte aos veciños de Meá pechados no Concello de Mugardos para esixir o cumprimento da Lei antes da entrada en funcionamento comercial da Planta de Reganosa.

O Secretario Xeral da USTG mostroulles a solidariedade do Sindicato que ven participando a través do Comité de Emerxencia desde a súa constitución, en tódalas mobilizacións e actuacións encamiñadas en demandar a ubicación da Planta de Gas fora da Ría.

José María Freire, lembrou como a finais dos anos oitenta, a Planta de Gas como contrapartida da Reconversión Naval, íase localizar en Caneliñas por ser a ubicación mais idónea entre varias baralladas. Naquela ocasión si se desenvolvera todo o proceso de acordo coa Lei e a Normativa correspondente. Un Proxecto que ENAGAS deixaría morrer por mor do compromiso para a construcción dunha planta de gas en bilbao, a que chegou o PSOE con o PNV, por mor de obter o seu apoio na investidura do goberno tras as eleccións de outubro de 1989.

O Secretario Xeral da USTG, antes de despedirse, animou aos veciños a continuar coa súa loita que coidou importantísima para a concienciación da cidadanía na defensa da Ría, a súa riqueza, o medio ambiente e a súa propia vida ameazada por Reganosa e que deberá plasmarse na participación na manifestación do vindeiro día 30 de setembro.”

Arquivado en Adhesións, Peche no Concello | Comentarios desactivados en Día 45: Adhesión do Comité de Empresa da FEVE – A Coruña e USTG

Día 44: Resultado da xuntanza co Director General de Política Energética y Minas

4 de Setembro do 2007 publicado por ocruceirodemea

Logo de 43 días de peche unha representación da Asociación de Veciños «O Cruceiro de Meá» foi recibida polos máximos responsables da Dirección General de Política Energética y Minas do Ministerio de Industria.

Os responsables do Ministerio amosáronse realmente receptivos á información facilitada pola asociación en relación co grande número de irregularidades cometidas no procedemento de outorgamento das sucesivas autorizacións que, de xeito fraudulento, veu obtendo Reganosa, e comprometéronse a estudar a posibilidade de volver a solicitar informe a tódolos organismos substantivamente competentes –e que no seu día informaron a favor da planta, sempre que se cumprisen determinadas condicións– para que, con carácter previo ao outorgamento do permiso de posta en funcionamento, se pronuncien sobre si, efectivamente, a planta construída é respectuosa cos requirimentos que se lle impuxeron. Temos que lembrar que a autorización de construción da planta condicionouse, entre outras cuestións, a que se respectasen as distancias de seguridade aos núcleos de poboación e que aos buques, en caso de emerxencia, puidesen abandonar a ría á maior brevidade e polos seus propios medios.

Asemade, os responsables do Ministerio de Industria aceptaron elevar a solicitude da asociación de ser recibidos, ben polo Secretario General de Energía, ben polo propio Ministro, Sr. Clos. Neste senso, desde a asociación informouse da decisión adoptada de xeito unánime polos veciños de continuar co peche en tanto non se produzan estes encontros.

Arquivado en Peche no Concello | Comentarios desactivados en Día 44: Resultado da xuntanza co Director General de Política Energética y Minas

« Previous Entries Next Entries »