O Cruceiro de Meá

Os veciños da asociación «O Cruceiro de Meá» solidarizámonos con «El Jueves»

Encetamos un peche indefinido o pasado 23 de xullo no Concello de Mugardos, donde Reganosa constrúe unha planta de gas dentro da ría de Ferrol. O fai incumplindo a lexislación que lle é aplicable (¡¡hai casas habitaas a menos de 100 metros!!), facendo caso omiso aos condicionantes das autorizacións administrativas... e amigos ¡¡isto si que hai que paralo!! pero mentres... o Fiscal General entretendo á Administración de Justicia por un delicto de inxurias a «La Corona» ¿non? Claro, sendo xuíz e parte non van entreterse coa Xunta de Galicia e o Ministerio de Industria.

¡¡Planta de gas fora da ría!!
¡¡A ría é nosa e non de Reganosa!!

chúzame

Despois de 20 días de peche no Concello de Mugardos por parte dos vecinos de Mea, seguimos sin ter contestación ás peticións de entrevistas realizadas ó Presidente da Xunta de Galicia, ó Director Xeral de Política Enerxética e ó Ministro de Industria, Turismo e Comercio. Polo tanto, seguimos á espera de que esas entrevistas nos sexan concedidas para explicar a nosa posición sobre as medidas contempladas nas diferentes autorizacións, constructivas e administrativas, que son de imposible cumplimento por parte de Reganosa, e para recordar que existe unha sentencia do Tribunal Superior de Xustiza de Galicia, que indica a obligatoriedade de realizar un estudio de impacto ambiental, e non de efectos ambientais como se realizou. Esta sentencia, lembraredes, é do ano 2006, encontrándose recurrida pola Xunta de Galicia e de Reganosa.

No día de hoxe, seguimos recibindo mostras de solidariedade entre elas a do profesor da Universidade Autónoma de Madrid, Carlos Taibo, de Greenpeace España e de Lino Braxe, artista, que compartiu peche cos veciños de Meá, entre outras a nivel individual e colectivo.

No día de hoxe tamén decidimos enviar unha carta á ministra de Medio Ambiente, Cristina Narbona, para lembrarlle as súas palabras pronunciadas en Fene, donde se comprometía a que ningunha planta de gas se instalase sen un estudio de impacto ambiental. Entendemos que xa chegou a hora de que cumpla as súas palabras, e polo tanto non permita a autorización definitiva da planta de gas sen un estudo previo de impacto ambiental.

O dia 11 de agosto ás 21:00 horas, virá o equipo de TVE «España Directo» a gravar o peche dos veciños no concello de Mugardos.

chúzame

"Dende a sala NASA de Santiago de Compostela queremosvos enviar o noso apoio e ánimos para continuar nesa loita contra a planta de gas que se instalou a carón das vosas casas e a prol dunha vida digna nun territorio feito a medida da vida humana e por un medio ambiente limpo e equilibrado. Aínda que manteñamos desde a distancia o seguimento de todas as accións emprendidas polas xentes de Ferrolterra, o tema de Reganosa salfire tamén as actividades dun teatro como a NASA e na última Ultranoite (un cabaré colectivo que facemos cada dous-tres meses) celebrada en xuño houbo referencias ao tema nalgúns dos números presentados. Pois iso, ánimo e adiante. Un saúdo de toda a tripulación da sala NASA."

"Desde o colectivo Salvemos Monteferro de Nigrán queremos amosarvos a nosa solidariedade e apoio na vosa loita. Con data de hoxe remitimos escritos a distintos medios de comunicación e institucións implicadas na instalación de Reganosa. Recibide unha forte aperta e todo o noso ánimo e admiración pola vosa resistencia. Planta de gas fora da Ría!!!"

chúzame

Os veciños de Meá que continuamos pechados no Concello de Mugardos, contrarios á ubicación da planta de gas de Reganosa, recibimos o día 4 de agosto con entusiasmo a visita e adhesión dos cantautores João Afonso e Luis Pastor, que interpretaron unha cantiga dun poema de Saramago.

O martes 7 de agosto recibiremos a Pepe Constenla, que actuará na Praza do Concello ás 22:00 horas, amosando así a súa adhesión á loita que manteñen os veciños pechados contra Reganosa.

Tamén recibimos a solidariedade de Lola Alejos, presidenta da agrupación socialista de Mugardos, así coma do seu fillo Xoán Rubia. Patricia Gabeiras sumouse tamén a ditas mostras de solidariedade.

chúzame

"A Plataforma Ártabra21 quere amosar a adhesión e solidariedade coa poboación de Mugardos máis preocupada pola amenaza que supón a PLANTA DE GAS preto de seus fogares.

A Plataforma Ártabra21 expresa a súa solidariedade coa veciñanza que decidiron efectuar un peche indefinido na Casa do Concello de Mugardos para que a Xunta de Galiza, gobernada polo PSOE-BNG, atenda as súas demandas cidadás.

A veciñanza de Mugardos afectada polos 400 metros de zona de seguridade que preve o Plano de Emerxencias Exterior para REGANOSA, aprobado polo Consello Xeral da Xunta de Galicia o pasado 19 de xullo, sigue pechada na casa do Concello de Mugardos. Este feito tivo importante repercusión mediática. A indignación da veciñanza, diante dun Plano de Emerxencias que é un verdadeiro despropósito, elaborado de costas á veciñanza afectada, á propia administración municipal, e mesmo sen ter en conta aos servizos de emerxencias da comarca (bombeiros, urxencias hospitalarias, urxencias 061, Protección Civil, autoridades locais...).

Un Plano de Emerxencias, aprobado en tempo recor só co propósito de avalar, e acelerar, a entrada en funcionamento de REGANOSA. Regasificadora cuestionada, non só polo movimento cidadán da Ría, senon que polos propios tribunais da Galiza, en sendas sentenzas do TSXG, tribunais que algún respecto e credibilidade mereceralle a un goberno da Galiza.

Porque eles saben que REGANOSA non pode cumprir os condicionados de distancia de seguridade ante núcleos poboados ([2000 metros), a evidencia aforra palabras e o de que os buques gaseiros podan saír a mar aberto en caso de emerxencia polos seus propios medios, cousa que non é posíbel, porque tanto para entrar como para saír necesitan a intervención de práticos do porto e catro remolcadores e por que no caso de estar cargado de GNL, só pode saír, en pleamar diurna e durante escasa media hora (en marea morta), por unha canle angosta de 4.000 metros de lonxitude e moi estreita, cunha zona de navegación de só 150 metros de ancho. TODO UN DESPROPÓSITO."

chúzame